Í vari undir Látrabjargi ljósm: fgigja

Á fundi Verkalýðsfélags Vestfirðinga og fulltrúa LÍÚ sem fór fram í dag voru kröfur sjómanna lagðar fram.  Þær eru eftirfarandi:

Áherslur sjómanna í Verkalýðsfélagi Vestfirðinga vegna endurnýjunar kjarasamnings ASV við LÍÚ.

Áhersluatriði:

• Vestfjarðasamningur ASV haldi áfram gildi sínu.
• Uppsagnarfrestur undirmanna lengdur  – ákvæði um viku uppsagnarfrest falli út.
• Endurmenntunargjald 0,20% af launum verði greitt af útgerð. Sjómönnum verði auðveldað að stunda nám út á sjó.
• Fæðispeningar – útgerð sjá áhöfn fyrir fríu fæði eða til komi verulega hækkun fæðispeninga – skoðaður verði möguleiki til dagpeningagreiðslna.
• Hafnarfrí :

1. Tryggja hafnarfrí frá kl.12.00 á hádegi á föstudegi fyrir sjómannadagshelgi  til kl.12.00 á hádegi mánudag eftir sjómannadag.
2. Sjómönnum á ísfisktogurum verði tryggt jólafrí frá kl.12.00 á hádegi 22.desember til kl.24.00 annan í jólum ár hvert.
3. Sjómönnum á öðrum bátum og skipum verði tryggt jólafrí frá kl.12.00 á hádegi 22.desember til kl.14.00 þann 2.janúar ár hvert.

• Áunnun réttindi flytist milli skipa og útgerða.
• Réttindi afleysingamanna tryggð í ráðningarsamningi.
• Endurskoðun slysatrygginga sjómanna verði lokið.

Launaliðir:

• Hækkun kauptryggingar– hjá háseta verði kauptrygging 310 þús. á samningstíma.
• Sjómannaafsláttur verði greiddur af útgerð.  Sjómannaafsláttur verði samræmdur við nágrannalönd okkar,  skoðaður verði möguleiki á að taka upp fjarvistarálag.
• Starfsaldursálag hækki 
• Útgerð útvegi hlífðarfatnað á eigin kostnað eða fatapeningar hækki að óbreyttu um 22 %
• Olíuverðsviðmið verði fellt út
• Ákvæði um lækkun skiptaprósentu á nýjum skipum falli út
• Orlofsréttur verði tengdur lífaldri
• Frystiálag hækki
• Undirmönnun bönnuð
• Önnur sérákvæði kjarasamnings ASV haldi eftir því sem við á

Samningstími:

• Ræðst af niðurstöðu viðræðna og forsendum þeirra.
• Verkalýðsfélag Vestfirðinga áskilur sér rétt til að leggja fram frekari kröfur ef viðræður þróast á þann veg.