Lét flökin hafa það óþvegið….

Sá alþekkti viðburður átti sér stað í vinnslunni um daginn að einn Bolvíkingurinn sem er hér um borð brjálaðist.  Það hefur alltaf verið hægt  að stóla á það. Ástæða þess að hann brjálaðist að að hann fann ekki stólinn sinn og það var alveg sama hvað hann kallaði og leitaði, ekki fannst stóllinn. Það endaði með því að flökin á snyrtiborðinu fengu að heyra það og finna fyrir því óþvegin. Í samtali við blaðið sagðist eitt medium ýsuflakið merð roði og beinum, ekki vita hvaðan á sig veðrið hafi staðið, svo mikill var hávaðinn og lætin í leit að þessum stól. Það kom síðar upp úr dúrnum að það voru  einhverjir óprúttnir aðilar sem skipuðu stólunum í land og því þýðir lítið að brjálast yfir því, þeir eru ekki um borð. Af Bolvíkingnum er það að segja að hann er afar slakur þessa dagana, búinn að jafna sig á þessu öllu saman, brosir bara út í annað og stólar á að stólarnir komi aftur um borð….!

…nýjustu fréttir eru að stólarnir eru um borð…!