Sjómannaafsláttur hækkaði nokkuð milli áranna 2008 og 2009 eða um 17,4%, en nú fengu 5720 sjómenn samtals 1297 milljónir í sérstakan skattaafslátt vegna sjómannsstarfa. Ríkisskattstjóri segir, að um meiri hækkun sé að ræða en sést hafi í mörg ár. Líklega skýrist það af svokölluðum strandveiðum, sem teknar voru upp á síðasta ári. Sjómenn fá nú 987 krónur fyrir hvern útreiknaðan sjómannsdag, eða 12,9% meira en í fyrra. Samkvæmt lögum, sem samþykkt voru á Alþingi í lok síðasta árs fellur sjómannaafsláttur niður í áföngum á árunum 2011 til 2014.