Vinsælasta myndbandið um Ísland á myndbandavefnum Youtube fjallar ekki um Eyjafjallajökul, íslenska náttúrufegurð eða Jóhönnu Guðrúnu, heldur sýnir það blákaldan veruleika íslenskra sjómanna.

Meira en 4,6 milljónir manna hafa skoðað myndband á Youtube af Smáey VE í stórsjó við Vestmannaeyjar. Það jafngildir íbúafjölda Noregs. Myndbandið sýnir togarann dansa eins og korktappa á öldunum í vetrarbrælu.

„Næst þegar þú færð þér fisk og franskar, eða rækjukokkteil á jólunum eða á veitingastað, dokaðu við andartak og hugsaðu hvernig þetta rataði á diskinn hjá þér. Skálaðu svo fyrir fjarlægum vinum,“ skrifar einn Youtube-notandinn undir áhrifum af myndbandinu. Meira en 2.600 ummæli hafa verið skrifuð undir myndbandinu. „Ég myndi gera í brækurnar,“ segir annar.

Myndbandið sem um ræðir: