Það er kannski ekki í frásögur færandi að segja frá því að hann Gulli okkar á mótorhjól, svokallaðan Crossara, en það eru einskonar torfæruhjól. En nú er hjólið hans stopp því í einhverjum látunum stóð mótorinn fastur og hefur ekki viljað hreyfa sig síðan. Um daginn þegar Júlíus lagðist að bryggju á Þingeyri til að taka olíu, skutust Gulli og Ómar Helga vélstjóranemi með meiru, heim til Gulla í bílskúrinn og náðu í mótorinn sem var að vísu dreifður um allan skúr. Náðu þeir að smala hlutunum saman og koma þeim um borð.

...ég var einu sinni nörd....vélstjóranörd!

Nú hanga þeir öllum stundum aftur á verkstæði og berjast við að ná mótornum í sundur og sjá hvað veldur, og kemur að góðum notum afburða þekking Ómars á mótorhjólum, því nokkur á hann sjálfur. Allavega ef hann setti saman alla partana sem hann á í sínum skúr, yrðu ábyggilega úr því 2-3 hjól ef vel væri, kannski fleiri.

Meðfylgjandi myndir tók blm Júllans er hann var á hressingargöngu um skipið…

Þeir Ómar og Gulli eru greinilega mjög samstilltir og snúa ævinlega bökum saman...