Eins og fram hefur komið, eru skipverjar á Júlíusi í fríi yfir verslunarmannahelgina og skipið liggur bundið við bryggju á Ísafirði. En það er ekki þar með sagt að þeir sitji auðum höndum…aldeilis ekki.

Blaðamaður Júllans var á ferð í höfuðborg Íslands, henni Reykjavík og er hann keyrði í góða veðrinu um Rimahverfið heyrði hann ókennilegar stunur og blástra, forvitnin var kurteisinni yfirsterkari og renndi því blaðamaður á hljóðin.

Það kom í ljós að þetta voru bara Maggi Snorra og Jonni að helluleggja hjá Magga. Maggi var búinn að véla Jonna með sér í verkið og er blaðamaður hitti þá voru þeir í óða önn að keyra sandi yfir hitalögnina og gera klárt til að skella hellunum niður. Blaðamaður ráðlagði þeim að setja minna í börurnar því stunurnar heyrðust langar leiðir….

Blaðamaður mun fylgjast með verkinu og veita þeim félögum aðhald alla helgina….