Sá fáheyrði atburður átti sér stað í dag, þriðjudag er skipverjar á Júlíusi Geirmundssyni ferðuðust um Austfirði er skipið landaði fullfermi á Eskifirði af makríl, að Jónas E Jónasson fékk stíflu, þeas ekkert vildi út aftanfrá, er þeir voru staddir á Reyðarfirði.

Var skundað sem leið lá í Lyfju, apótekið á staðnum og hugðist Jonni fá lyf við stíflunni. Er í Lyfju kom tók á móti þeim falleg stúlka og Jonni stundi mæðulega upp að hann væri með stíflu, hvort hún ætti ekki eitthvað við henni sem virkaði strax.

Stúlkan hélt það nú og kom að vörmu spori með Nezeril sem er nefúði við stífluðu nefi…

Ekki fer neinum sögum af því hvernig þetta endaði hjá Jonna, en hann var við hestaheilsu síðast þegar fréttist.